Fréttir af starfinu.

Heimasíða félagsins hefur því miður legið niðri um tíma vegna tæknilegra vandamála. Fréttapistill sá er hér fer á eftir kemur því seinna en ætlað var og biðjumst við velvirðingar á því.

Norræn ráðstefna um lífsgæði heyrnarskertra  4.-7. júní n.k.

Nordica Hótel, Suðurlandsbraut 2, 108 Reykjavík.

Við eigum því láni að fagna að fagfólk í heyrnarfræðum mun fjölmenna til Íslands fyrstu vikuna í júní.  Erindið er að ræða lífsgæði þeirra sem við heyrnarskerðingu búa út frá ýmsum sjónarhornum. Dagskráin er fjölbreytt og  eru fyrirlesarar þekktir fræðimenn víða að og einnig heyrast raddir neytenda á þessari glæsilegu ráðstefnu.

Heyrnarhjálp mun eiga sína fulltrúa á ráðstefnunni og munum við leggja okkur fram um að koma á framfæri því markverðasta sem þarna verður fjallað um.

Tillaga að lagabreytingum

Á næsta aðalfundi Heyrnarhjálpar verður lögð fram tillaga að breytingum á lögum félagsins.  Hér má skoða tillögu stjórnar að lögum Heyrnarhjálpar:

Tillaga að lögum Heyrnarhjálpar 

AÐALFUNDUR 2008

Ágætu félagsmenn:

Þá er komið að aðalfundinum. Hann verður í húsnæði okkar á Langholtsvegi 111, miðvikurdaginn 28. maí 2008. Fundurinn hefst klukkan 20.00

Dagskrá fundarins:

# Venjuleg aðalfundarstörf.  #  Lagabreytingar.  # Önnur mál.

Gestur fundarins verður Helga Vala Helgadóttir og ræðir hún um sjáfsstyrkingu og félagsþátttöku.

Við  hvetjum félagsmenn til að mæta vel á fundinn, en að venju sjáum við um að aðgengið sé í lagi og bjóðum upp á kaffi í fundarlok.      Stjórnin

Málþing um aðgengi fólks með heyrnarfötlun

Texti er okkar tromp,

        ….málþing um aðgengi fólks með heyrnarfötlun.

Heyrnarhjálp býður til málþings á Grand Hóteli við Sigtún 3. mars n.k. Málþingið fjallar um aðgengismál heyrnarskertra/lausra í víðum skilningi og er  ætlað þeim hópi, aðstandendum þeirra og ekki síður fagfólki og embættismönnum sem tengjast málflokknum í starfi.

Fjöllum m.a. um:

#Textun íslensks efnis í sjónvarpi, myndböndum og kvikmyndum. # Rittúlkun, táknmálstúlkun og  réttur einstaklinga til túlkunar.  #Tónmöskvi, hvað gerir hann og hvar á hann að vera.  #Vinnumarkaðurinn og heyrnarskertir.  Stuðningur af tæknibúnaði.  #Aðgengi að skólakefinu.  #Kynning á nýrri tækni og hjálpartækjum til að létta daglegt líf og störf.

Við hvetjum alla er málið varðar að taka þátt í þessu málþingi og vonumst til að fólk utan höfuðborgarsvæðisins sjái sér einnig fært að koma, en málþingið er haldið á mánudags síðdegi.

Aðgengi fyrir alla:  Grand Hótel við Sigtún 1. hæð.

Tónmöskvi, rittúlkur, táknmálstúlkur.

Kaffiveitingar - námskeiðsgögn.

Tími: 3/3 2008 kl. 16-19.30.  Húsið opnar kl. 15.30.  Verð, 1000 krónur.

Fólk er hvatt til að skrá sig á netinu: heyrnarhjalp@centrum.is

Opið hús á afmælisdaginn

Á afmælisdaginn sóttu margir góðir gestir félagið heim, þar á meðal borgarstjórinn í Reykjavík, sem sést hér að ofan  gæða sér á afmælisterunni ásamt formanni félagsins, Höllu B. Þorkelsson og fyrrverandi formanni, Guðjóni I. Stefánssyni. Borgarstjóri ætlar að beita sér fyrir því að tónmöskvi verði settur í Ráðhús Reykjavíkur.

Í borgarstjórn Reykjavíkur var samþykkt í gær, 29. nóvember, að setja tónmöskva í fundarsal borgarstjórnar og í fréttatilkynningu sem send var út frá borgarstjórn voru aðrir opinberir aðilar hvattir til að gera hið sama.  Sjá má fréttatilkynninguna á visi.is hér.