Áhugavert námskeið fyrir heyrnarskerta, aðstandendur og starfsfólk !!

Áhugavert námskeið !!

Heyrnar- og talmeinastöðin stendur fyrir námskeiði á

Grand Hóteli, Reykjavík við  Sigtún

þriðjudaginn 17. apríl n.k.

kl. 12:30 til 16:00

Dagskrá:

#  Fyrirlestur um heyrn og heyrnarskerðingu.

#  Lög og reglugerðir.

Hvað er niðurgreitt og hversu oft?

#  Heyrnartæki.

Mismunandi tegundir kynntar.

Hvað þarf að stilla og af hverju?

#  Önnur hjálpartæki fyrir heyrnarskerta.

#  Umhirða og viðhald heyrnartækja.

#  Sýnikennsla í minni hópum um

    umhirðu og viðhald heyrnartækja.

Námskeiðið er ætlað öllum þeim sem vinna með heyrnarskertum

einstaklingum  svo og  heyrnarskertum og  aðstandendum þeirra.

Tónmöskvi verður í salnum.  Kaffiveitingar.

Þátttökugjald er kr. 3500.  Skráning fer fram á hti@hti.is og í

Síma 581 38 55.

HEYRNARHJÁLP FLYTUR !!

Styrkur til kaupa á samskiptatæki

Heyrnar- og talmeinastöð veitir styrk til kaupa á samskiptahjálpartækjum fyrir alvarlega heyrnarskerta og daufblinda sem hér segir:

1.      Fyrir þá sem eru eldri en átta ára og hafa tónmeðalgildi > 70 dB og / eða   talgreiningu  undir 30% greiðast kr. 30.000. Þó aldrei hærri fjárhæð en sem nemur kaupverði tækis.

2.      Fyrir þá sem eru eldri en átta ára og hafa verið greindir daufblindir greiðast kr. 45.000. Þó aldrei hærri fjárhæð en sem nemur kaupverði tækis.

Einstaklingur getur mest notið greiðsluþátttöku fyrir hvert samskiptahjálpartæki skv. 1. og 2. tölul. 1. mgr. á tveggja ára fresti.

 
umsóknareyðublað má fá hjá Heyrnar- og talmeinastöð Íslands. Félaginu Heyrnarhjálp, Félagi heyrnarlausra og Blindrafélagi Íslands.

Texti á íslenskri kvikmynd !!

Kvikmyndin "Börn"  verður sýnd með íslenskum texta í Háskólabíói  dagana 17. 18. og 19. nóvember. 

Sýningar verða bæði klukkan 18.00 og 20.00

Einnig er gert ráð fyrir sýningu með texta í Sambíóinu á Akureyri þessa sömu helgi.

Þessi mynd var frumsýnd fyrir nokkru í Háskólabíói og hefur myndin hlotið frábæra dóma. 

" Íslenskt meistaraverk....Mynd sem allir ættu að sjá......BÖRN er ein besta íslenska mynd sem fram hefur komið"  Ó.H.T/Rás 2

Ráðherra með skerta heyrn.

Nýr menningarmálaráðherra Svíþjóðar, Lena Adelsohn Liljeroth, hefur heyrt illa frá barnsaldri.  Vissulega háir heyrnarskerðing á margan hátt, en það er líka mikilvægt að sýna fram á , að til eru hjálpartæki sem vega að mestu upp á móti fötluninni. Það var vissulega hvatning að vera valin í þetta mikilvæga embætti og niðurstaða mín varð sú að mæta áskoruninni, segir hinn nýi ráðherra menningarmála í Svíþjóð.  Lena Adelsohn Liljeroth talar opinskátt um heyrnarskerðinguna og segir að heyrnarskerðing sín sé það mikil að hún hafi til dæmis aldrei heyrt fuglasöng, hún eigi erfitt með að staðsetja hljóð og að tungumál séu henni erfið.

Að mæta þörfum heyrnaskertra er hvorki mjög flókið eða kostnaðarsamt.  Hún leggur áherslu á að texta beri allt sjónvarpsefni og að tónmöskvi eigi að vera í öllum byggingum sem ætlaðar eru til almenningsnota, þar undir falla leikhús og önnur menningarleg starfsemi.

Samtök heyrnarskertra á Norðurlöndum fagna skipun ráðherrans og óska henni til hamingju með ábyrgðarmikið starf.  Lena Adelsohn Liljeroth  er góð fyrirmynd fyrir heyrnarskert börn og unglinga sem allt of oft líða fyrir fötlun sína og hugsunarleysi annarra.