Markmið félagsins með þessum nýja vef er að bæta þjónustuna við okkar félagsmenn, ekki síst þá sem búa úti á landi. Markmiðið er einnig að gera möguleg samskipti milli fólks með svipaða reynslu. Komin er reynsla á að samskiptaúrræði sem þetta nýtist mörgum vel. Það að  komast í samband við aðra með svipaða lífsreynslu er gefandi og leiðir oft til úrræða sem hjálpa viðkomandi.  Einnig er hægt að senda fyrirspurnir inn á vefinn, sem beinast til annarra vefgesta eða til félagsins og munum við reyna að sinna þjónustu við vefinn reglubundið.   Vefur þessarar gerðar byggist mjög á þeim sem nota hann.  Vefstjórn er nauðsynleg og auglýsum við hér með eftir fólki til að vinna með vefstjóra og félaginu við uppbyggingu hans. Fólk er vinsamlegst beðið að koma skilaboðum beint inn á vefinn eða til félagsins.   Látið endilega heyra frá ykkur og gefið kost á ykkur til starfa fyrir málefnið.

Jón Kristjánsson heilbrigðisráðherra opnaði nýjan vef Heyrnarhjálpar á ráðstefnu um eyrnasuð.