21. september 2009 | Fötlun og fjölbreytileiki í háskólasamfélaginu

Föstudaginn 25. september kl. 14.10 – 16 verður málþing um fötlun og fjölbreytileika í háskólasamfélaginu á vegum Jafnréttisdaga Háskóla Íslands í sal 103 á Háskólatorgi.

Málþingið er öllum opið – það fer fram á ensku og verður rittúlkað.

14. september 2009 Hljóðvist í leik- og grunnskólum

Málstofa um hljóðvist í leik- og grunnskólum verður haldin föstudaginn 25. september 2009 kl. 12:00 – 16:00. Málstofan verður haldin í Háskóla Íslands við Stakkahlíð (áður Kennaraháskóli) í Bratta, salur í nýbyggingu. Gengið er inn frá Háteigsvegi.

Boðið verður upp á léttan hádegisverð kl. 12:00.

Dagskráin verður túlkuð á táknmál.

21. september 2009 | Líf og list án landamæra - sýnileiki, réttindi og þátttaka.

Norræn ráðstefnan á Grand Hótel í Reykjavík 28. september 2009, kl. 9.00-16.00.

Ráðstefnan er haldin á vegum Listar án landamæra, en aðstandendur hennar eru Landssamtökin Þroskahjálp, Öryrkjabandalag Íslands, Fjölmennt, Átak félag fólks með þroskahömlun og Hitt húsið.

Ráðstefnan er bæði rit- og táknmálstúlkuð

29. júlí 2009 | Grimmar og ósanngjarnar tekjuskerðingar vegna fjármagnstekna

Hér er ályktun sem framkvæmdastjórn ÖBÍ og Landssamtök eldri borgara voru að senda frá sér til fjölmiðla í dag vegna skerðinga á fjármagnstekjum lífeyrisþega. Bent er sérstaklega á að misræmi er á milli atvinnulausra og lífeyrisþega þegar kemur að frítekjumarki.

16. júlí 2009 | Samningur ÖBÍ og Fosshótela

Fimmtudaginn 9. júlí síðastliðinn undirrituðu þau Halldór S. Guðbergsson, formaður Öryrkjabandalags Íslands og Magnfríður Ó. Pétursdóttir  frá Fosshótelum gistisamning.  Samningur þessi gildir fyrir öll aðildarfélög Öryrkjabandalags Íslands sem eru 32 talsins og gildir hann til 14. maí 2010.