Sumarskóli í Galway á Írlandi 15-19 júní 2020

Nú er góður tími til að fara að huga að því hvað eigi að gera skemmtilegt í sumar.
Eitt af því gæti verið að fara í sumarskóla á vegum Sameinuðu þjóðanna um sáttmála þeirra um réttindi fatlaðs fólks.

Öryrkjabandalag Íslands mun veita nokkrum félagsmönnum aðildarfélaga bandalagsins styrk til þátttöku í hinum árlega sumarskóla um samning Sameinuðu þjóðanna um réttindi fatlaðs fólks (SRFF) í Galway sem er á vesturströnd Írlands.
Skólinn verður að þessu sinni dagana 15. til 19. júní 2020. Er það sjöunda árið í röð sem ÖBÍ styrkir fólk til þátttöku.

 

Dagskrá sumarskólans 2020

Líkt og í fyrri sumarskólum er almenn kynning á ákvæðum samningsins, réttindum sem í honum felast og hvaða þýðingu hann hefur fyrir fatlað fólk. Megináhersla sumarskólans í ár verður á þátttöku fatlaðs fólks í menningarlífi, afþreyingu, tómstundum og íþróttum.

 

ÖBÍ hvetur félagsmenn aðildarfélaganna til að sækja um styrk til ferðarinnar. Í umsókn skal koma fram fullt nafn, kennitala, aðildarfélag umsækjanda og stuttur rökstuðningur fyrir umsókn um styrkveitingu. Þau sem hljóta styrk þurfa að vera tilbúin til að nýta sér þekkingu sína á SRFF í baráttunni innan síns aðildarfélags og/eða ÖBÍ.
Hver umsókn verður skoðuð með tilliti til ofangreindra þátta.
Nánari upplýsingar og eyðublöð má nálgast hjá mottaka@obi.is  eða thorny@obi.is eða í síma 5306700