Skrifstofa Heyrnarhjálpar verður lokuð vegna sumarleyfis starfsmanns frá 19. febrúar til og með 7. mars en nú er það Flórida og golfiðkun þar sem er á döfinni.
Ef erindið er brýnt má senda sms í síma 8666444 eða senda póst á kollastebba@simnet.is
Ég vona að veðurfarið verði milt og fallegt hér heima á meðan.
Besta kveðja
Kolbrún Stefánsdóttir
Lokun skrifstofu til 8. mars
February 18, 2019 by
Tímabundin hlutastörf hjá ÖBI
January 21, 2019 by
Öryrkjabandalag Íslands auglýsir eftir tveimur starfsmönnum í tímabundin hlutastörf við átaksverkefni á sviði aðgengismála á höfuðborgarsvæðinu og á landsbyggðinni.
Samanlagt er gert ráð fyrir 100% starfshlutfalli sem skiptist á milli starfsmanna eftir samkomulagi. Átaksverkefnið mun standa yfir í sex mánuði.
Fatlað fólk/fólk með skerðingar er sérstaklega hvatt til að sækja um.
Ítarleg auglýsing hefur verið birt á vef ÖBÍ (https://www.obi.is/is/utgafa/frettir/adgengisatak-obi) og munu auglýsingar jafnframt birtast í blöðum um helgina auk þess sem henni verður dreift á Facebook síðu ÖBÍ.
Ingimar Karl Helgason, samskiptastjóri
Öryrkjabandalag Íslands
Sigtúni 42
105 Reykjavík
Gsm. 659-3442
Netfang: ingimarkarl@obi.is
Ósk um nýtt embætti
January 14, 2019 by
Þessi póstur er tekinn af heimasíðu ÖBI 10. janúar þegar formaður ÖBI, Þuríður Harpa Sigurðardóttir, og formaður Þroskahjálpar, Bryndís Snæbjörnsdóttir, hittu forsætisráðherra, Katrínu Jakobsdóttur, að máli og lögðu fram kröfur um embætti umboðsmanns fyrir öryrkja og langveika.
*****
UMBOÐSMAÐUR FATLAÐS- LANGVEIKS FÓLKS
ÖBÍ leggur til að sett verði á fót embætti Umboðsmanns fatlaðs og langveiks fólks. Formleg tillaga um þetta var lögð fram á fundi formanna ÖBÍ, Þroskahjálpar og forsætisráðherra sem haldinn var í morgun.
Mannréttinda sé gætt
Þuríður Harpa Sigurðardóttir, formaður ÖBÍ, afhenti Katrínu Jakobsdóttur skriflega tillögu um embættið, hlutverk þess og verkefni. Samkvæmt tillögunni yrði hlutverk umboðsmanns fatlaðs og langveiks fólks að taka við erindum frá einstaklingum og fella úrskurði út frá gildandi lögum, sem væru til grundvallar skaðabótamála ef ekki er brugðist við. Þá hefði embættið það hlutverk að benda stjórnvöldum á gloppur í íslenskri löggjöf um mannréttindi út frá skuldbindingum alþjóðasáttmála.
Grundvallarmarkmið í Samningi Sameinuðu þjóðanna um réttindi fatlaðs fólks (SRFF) er viðurkenning á rétti fatlaðs fólks til að njóta sömu mannréttinda og aðrir samfélagsþegnar og skyldu aðildarríkjanna til að tryggja þau. Embætti umboðsmanns fatlaðs fólks og sjúklinga væri liður í innleiðingu og lögfestingu SRFF.
Fram kemur í tillögu ÖBÍ að sams konar embætti eru starfrækt annars staðar á Norðurlöndunum. Mikilvægt sé að svona embætti verði sett á stofn hérlendis sem fyrst enda hljóti það að vera vilji stjórnvalda að tryggja réttindi þessa hóps og standa þar með jafnfætis þeim löndum sem Íslendingar bera sig saman við.
Undarleg vegferð
Þuríður Harpa og Bryndís Snæbjörnsdóttir, formaður Þroskahjálpar, ræddu ítarlega um kjaramálin á fundinum með Katrínu. Meðal annars var farið yfir fjárlagafrumvarp ársins, fyrirhugaðar breytingar á almannatryggingakerfinu, krónu-á-móti-krónu skerðinguna, SFRR og vinnumarkaðinn og fatlað fólk.
Bent var á að fjárlagafrumvarp þessa árs hefði valdið Öryrkjabandalaginu vonbrigðum. Ljóst væri að kjör öryrkja myndu ekki batna að raungildi í ár. ÖBÍ og Þroskahjálp fagna hækkun atvinnuleysisbóta, en benda á um leið á að þær hækkuðu langt umfram bætur lífeyrisþega. Það væri umhugsunarvert á hvaða vegferð ríkisstjórnin væri þegar svo augljóslega og freklega væri gengið framhjá lífeyrisþegum almannatrygginga.
Þvingunartaktík stjórnvalda
Þuríður Harpa og Bryndís bentu jafnframt á að stórkostlegur niðurskurður á fyrirhugaðri aukningu á framlögum til málaflokksins væri slæmur. Búið var að lofa fjórum milljörðum króna, jafnt í fjármálaáætlun sem lögð var fram síðasta vor, sem og í því fjárlagafrumvarpi sem lagt var fyrir Alþingi í haust. Þessi breyting ein leiðir til þess að öryrkjar á Íslandi verða af ellefu hundruð milljónum króna á árinu 2019 eða sem svarar 55 þúsund krónum að meðaltali á hvern einstakling á ári. Að halda því fram að þetta hafi verið gert vegna vinnu starfshóps sem samtök okkar hafa í góðri trú tekið þátt í stenst enga skoðun. Það er því engin furða að mjög margir öryrkjar telji að stjórnvöld vilji með þessu þvinga þá til að samþykkja nýtt kerfi um starfsgetumat.
Þá er það, að mati samtaka okkar, Öryrkjabandalagsins og Þroskahjálpar, mjög mikið áhyggju- og umhugsunarefni að í allri umræðunni um skerðingar, fjölgun öryrkja og hugsanlega nýtt matskerfi hefur að mestu gleymst að ræða megintilgang almannatrygginga sem er að tryggja framfærslu þess hóps sem vegna fötlunar eða langvarandi sjúkdóma getur ekki séð sér farborða.
Órétt þarf að bæta
Á fundinum í morgun lögðu Þuríður Harpa og Bryndís Snæbjörnsdóttir, formaður Þroskahjálpar, einnig fram minnisblað um vistun fatlaðs fólks á stofnunum og ræddu við forsætisráðherra um skyldur stjórnvalda til að bregðast við því sem fyrir liggur um þau mál með viðeigandi hætti sem og að bæta þeim sem urðu fyrir órétti eftir því sem mögulegt er.
Gleðilegar fréttir frá RÚV
December 20, 2018 by
Nú voru að berast góðar fréttir frá RÚV.
Nú á að vera hægt frá 18. desember að nálgast allt íslenskt efni sem hefur verið for-textað með íslenskum texta á vef RÚV.
Næsta og síðasta skrefið hjá RÚV er að texta efni sem sent er beint út með sama hætti.
Þetta eru gleðifréttir og við förum bjartsýn inn í jólahátíðina með væntingar í brjósti um góða samvinnu á næsta ári.
Stjórn Heyrnarhjálpar fagnar þessum áfanga og óskar lesendum og félagsmönnum gleðilegra jóla og farsældar á nýju ári um leið og við þökkum stuðning og samvinnu á árinu.
Viðurkenning Styrktarfélags lamaðra og fatlaðra – Kærleikskúlan
December 6, 2018 by
Eliza Reid, forsetafrú, og Anna Karólína Vilhjálmsdóttir, handhafi Kærleikskúlunnar 2018.
„Kærleikskúla. Þetta er fallegt orð og ég trúi varla að hægt sé að fá gildishlaðnari viðurkenningu,“ sagði Anna Karólína Vilhjálmsdóttir, framkvæmdarstjóri þróunarsviðs Íþróttasambands fatlaðra á Íslandi, sem í dag hlaut Kærleikskúlu Styrktarfélags lamaðra og fatlaðra. Kærleikskúlan var afhent við hátíðlega athöfn á Kjarvalsstöðum en fjölmargir gestir hlýddu á kórsöng og jólalög í flutningi Bjöllukórsins. Eliza Reid forsetafrú afhenti Önnu Karólínu viðurkenninguna.
Anna Karólína þakkaði Styrktarfélagi lamaðra og fatlaðra fyrir „einstakt samstarf í gegnum árin. Þar er fólk sem vinnur með hjartanu og á mikið hrós skilið. Verkefni þeirra eru unnin bak við tjöldin en eiga skilið sviðsljósið alla daga. Börnin sem hafa sótt og sækja þar þjónustu og hafa fengið tækifæri til sumardvalar í Reykjadal eru sannarlega í góðum og kærleiksríkum höndum. Ef ég fengi að ráða, væruð það þið sem væruð að taka á móti Kærleikskúlunni 2018,“ sagði Anna Karólína þegar hún tók við viðurkenningunni og bætti við: „Ég vil ítreka að mjög margir eiga hlut í þessari kúlu með mér. All það góða fólk sem tengist starfi ÍF og Special Olympics á Íslandi og ekki síst þeir sem ahfa tekið við keflinu og aðstoðað við ný verkefni. Í þeim hópi er fólk sem aldrei hefur tengst starfi ÍF en er tilbúið að leggja lóð á vogarskálar til að marka ný spor og hefur trú að allt sé hægt.“
Þetta er í sextánda sinn sem Styrktarfélag lamaðra og fatlaðra gefur frá sér Kærleikskúluna en allur ágóði af sölu hennar rennur til sumar – og helgarbúða fyrir fötluð börn og ungmenni í Reykjadal.
Kærleikskúla ársins er eftir Elínu Hansdóttur og ber heitið Terrella. Á hverju ári er valinn sérstakur handhafi kærleikskúlunnar sem fær hana í viðurkenningarskyni fyrir störf sín í þágu fatlaðra í
Rittúlkuð messa í Langholtskirkju 25.11.2018 kl 11:00
November 20, 2018 by
Messað verður hér í Langholtskirkju sunnudaginn 25. nóvember kl. 11:00.
Sr. Jóhanna Gísladóttir þjónar og organisti er Magnús Ragnarsson.
Stúlknakórinn Graduale Futuri undir stjórn Rósu Jóhannesdóttur leiðir safnaðarsöng og tekur lagið fyrir kirkjugesti.
Gaman er að geta þess að kórinn verður framlag Íslendinga til hátíðarhaldanna í Íslendingabyggðum Kanada á þjóðhátíðardegi Íslendinga 17. júní 2019. Messan verður rittúlkuð í samvinnu við Heyrnarhjálp.
Messan verður rittúlkuð í samvinnu við Heyrnarhjálp.
Þórný Björk Jakobsdóttir sér um rittúlkun
Aðalsteinn Guðmundsson kirkjuvörður og messuþjónar kirkjunnar aðstoða við helgihaldið og bjóða til hádegisverðar í safnaðarheimili að messu lokinni.
Sunnudagaskólinn fer fram á sama tíma í litla sal.
Sara og Hafdís taka vel á móti börnum á öllum aldri.
Kvenfélag Langholtssóknar stendur svo fyrir laufabrauðsdegi sem hefst að messukaffi loknu.
Tilvalin skemmtun fyrir alla fjölskylduna og öll velkomið að taka þátt.
Lokun skrifstofu
November 2, 2018 by
Skrifstofa Heyrnarhjálpar verður lokuð vikuna frá 5-9 nóv vegna fræðsluferða um Austurland.
Síminn alltaf opinn
8666444
Reykingar geta valdið heyrnartapi
October 24, 2018 by
Samkvæmt rannsókn frá University of Manchester Research kemur í ljós að þeir sem reykja eru 15% líklegri til að fá heyrnarskerðingu en þeir sem reykja ekki.
Því meira sem reykt er þess meiri áhætta.
Óbeinar reikningar geta einnig valdið skertri heyrn.
Þetta kemur fram í Din Hörsel sem er gefið út af HLF ( Hörselshemmedes Landsforbund) í Noregi.
Heimild Hörelsen
Photo Colorb
Við leitum sérfræðinga meðal fatlaðra barna og unglinga
October 10, 2018 by
Í Barnasáttmála Sameinuðu þjóðanna kemur fram að börn og unglingar eiga rétt á að láta skoðun sína í ljós og segja hvað þeim finnst. Þess vegna ætlar umboðsmaður barna að vera með sérfræðihópa fatlaðra barna og unglinga.
Þetta er gert til að umboðsmaður fái upplýsingar um það sem fötluðum börnum og unglingum finnst mikilvægt og til að fá ábendingar þeirra og tillögur um það sem má gera betur.
Við erum að leita eftir þátttakendum í sérfræðihópana, strákum á aldrinum 12 til 15 ára og stúlkum á aldrinum 15 til 18 ára.
Ef þú hefur áhuga á að taka þátt eða ef þú vilt fá frekari upplýsingar um verkefnið hafðu þá samband við Hrafnhildi Snæfríðar- og Gunnarsdóttur, verkefnastjóra, í síma 525-4176 / 694-3264 eða sendu vefpóst á hsg@hi.is.
Einnig er hægt að hafa samband við umboðsmann barna í síma 800-5999 (gjaldfrjálst númer) eða með tölvupósti a ub@barn.is.
